Como xa sabedes, colaboramos cunha ONG que traballa co pobo Saharauí na elaboración dunha colcha. A nosa tarefa era pintar os anacos de tea cos que logo compoñela. Foi un proxecto moi interesante no que traballamos os tres grupos de Infantil e 1º de Primaria.
Aínda que non todos puidemos pintar e debuxar, si decidimos en grupo que queríamos plasmar (no noso caso animais mariños de África). Tamén nos serviu para coñecer outros lugares do mundo, como poder poñer o noso gran de area para axudar a aqueles que viven situacións mais complicadas que as nosas e un montón de cousas que foron xurdindo do noso faladoiro inicial.
Agradecemos ter podido participar neste proxecto, polo que pode supoñer para esta iniciativa e polo que supuxo para nós.
