Talentos. familia de Martín

Hoxe visitounos Helena, a nai de Martín e trouxo con ela unha chea de actividades ben divertidas.

Primeiro explicounos algunhas das cousas que se poden facer sobre os patíns e despois chegou a quenda de poñelos e comezar a experimentar, cada un ao seu nivel. A continuación un circuito. Ben atentos á explicación que hai moitas probas que superar. Tamén nos amosaron algunha postura de acroioga e xogamos con globos, para o que tivemos que cambiar de espazo, pois o vento nos dificultaba o seu manexo.

Moitas grazas, como sempre un pracer. Quedamos con ganas de mais, así que seguro que hai unha segunda visita 😉

Grazas tamén a Vinca, Rocío, Claudia e Emma pola súa axuda.

Clicade na imaxe

Nadal. Agasallo de Reis

Os Reis Magos fixeron tamén parada na nosa aula e deixáronnos unhas cousiñas. Aquí as tedes.

Nadal. Postal

Agardamos teña chegado ás vosas casas a nosa postal de Nadal. Foron unhas postais feitas ca aportación do alumnado de todas as aulas de Infantil.

Todo comezou ca petición dos nosos compañeir@s de tres. Querían facer unha postal e pedíronnos axuda para elaborar uns carteis que puxesen BO NADAL. Accedimos encantad@s e deixámosllos na porta da aula a modo de sorpresa. Pero chegou a idea de facer tamén para os de catro e puxémonos mans á obra. 

Igual que nós deixamos na porta e na aula dos demais a modo de sorpresa, tamén apereceron na nosa aula e na nosa porta algunhas sorpresas. Rematamos por adiviñar que a árbore sería para facer nós a nosa postal e os cículos e as formas para a súa decoración. E con todo iso e uns carteis que fixemos para nós, puxémonos mans á obra.

E así foi como aportando cada un un elemento, elaboramos unhas fermosas postais. 

Quedan aquí algunhas imaxes.

Os de tres preparando a árbore:

       

Os paquetiños que atopamos na porta e na aula:

As nosas postais:

Nadal

Grazas pequenas e pequenos, grazas familias, grazas profes e grazas a

todo@s os que nos axudades e sodes cómplices neste camiño. 

Os nosos mellores desexos para este ano que comeza.

Clicade na imaxe