Terceira xornada, e o Meco manda... coroa de flores como Frida
jueves, 28 de febrero de 2019
Entroido. Primeira orde do Meco
Xa comezamos cas ordes do Meco. Este primeiro día tocaba traer un xirasol, como os do cadro de Van Gogh
Entroido: Comadres e Compadres
Este ano non simulamos simplemente o Domingo Fareleiro, senon tamén o Xoves de Comadres e o Xoves de Compadres. Para iso, elaboramos entre todo@s uns bonecos con follas de periódico pintadas que logo repartimos para poñer en práctica esa divertida "loita". Moitas carreiras e risas, aprendendo tradicións e valores como o respecto, compartir, traballo en equipo, etc.
Grazas a Emma por brindar o seu tempo para levar a cabo o xogo.
sábado, 23 de febrero de 2019
Entroido
Grazas a todas esas máscaras que foron chegando, o noso corredor loce ben fermoso este Entroido. Algunhas delas, como esta de Mía, axúdannos incluso a meternos nas personaxes típicas dos entroidos da nosa terra.
Graciñas a tod@s.
Entroido
Xa comezou o Entroido e tamén as nosas visitas a ese calendario que Mik prepara na entrada da Biblioteca, e onde, ás veces, nos agardan algunhas sorpresas.
Aquí tedes unha delas, o noso particular Domingo Fareleiro.
lunes, 18 de febrero de 2019
Horta. Da casa da avoa de Martina á escola
A primeira plantación gustou tanto, que Martina decidiu compartir parte das sementes da súa avoa con nós.
Grazas á avoa de Martina por cedernos parte das súas sementes, e a Martina por transmitir a súa ilusión. Intentaremos que esas cebolas e chícharos cheguen a medrar ben fermosos.
domingo, 17 de febrero de 2019
A Paz
Mik trouxo para nós un par de propostas polo Día da Paz. Esta consistía en deixar as nosas pegadas de modo semellante a como hai xa moito tempo fixeron os artistas das pinturas rupestres, e engadir nalgunha delas palabras ou mensaxes relacionadas con esta conmemoración. Así que, unha vez decidido o que íamos escribir, puxémonos en marcha camiño da Biblioteca e...aquí nos tedes.
Debemos agradecer a Rocío a súa sempre valiosa axuda, que fai posible que poidamos desfrutar mais de cada nova actividade e proposta.
A Paz
O noso amigo Mik propúxonos unhas actividades para conmemorar o Día da Paz, como xa sabedes, é aquí tedes a do quebracabezas. Tivemos que abrir un sobre e sacar unha chea de pezas para montar o quebracabezas dunha obra de arte e fixarnos ben, para descubrir de que artista se trataba esta obra. Unha vez rematado e descuberto o autor, puidemos abrir outro sobre no que Mik deixara información sobre o propio artista e a orixe da pomba como símbolo da Paz.
Graciñas pola proposta.
Decoración Nadal
Como sempre, moitas grazas pola vosa colaboración á hora de ambientar o noso espazo en cada unha das diferentes épocas do curso.
Suscribirse a:
Entradas (Atom)