Familias

Xa sabedes que levamos moito tempo falando das nosas familias e que isto nos conectou cun conto titulado "Mamá, de onde veñen os bebés?". Pois de aquí saltamos a outros contos e ao tempo que cada un de nós pasou no ventre da súa mamá. 

Temos que agradecer de novo a vosa colaboración e esas estupendas fotografías, porque aínda que xa víramos ecografías na internet, estas acadan mais sentido cando son as nosas. E así cobrou tamén sentido ordenar os números do 1 ao 9, pois 9 son os meses que estamos na barriga, e asociar a cada mes o tamaño do bebé, ordenando de menor a maior. 

Pero non só tratamos estes aspectos, senon outros como escoitar o latexo do corazón dentro da barriga, que ás veces estamos acompañados, como lle sucedeu a dous dos nosos compis, e outras moitas cousas. A comprender todo axudáronnos as fotografías, a internet e os libros, en concreto dous.

Deixamos aquí algunhas imaxes.

Vendo as fotografías

Clicade na imaxe

Museo do mar

Está a ser un curso de moitas primeiras veces, incluida esta. A nosa primeira saída. 

Desta vez fomos ao Museo do Mar, onde coñecimos como vivía hai moitísimos anos unha nena chamada Mariona.

Moitas grazas á nosa guía polas súas explicacións, por ensinarnos o esquelete de balea e axudarnos a facer unha cunca de arxila.

Grazas tamén ao sol por acompañarnos e á chuvia por facer un descanso.

Foi unha estupenda xornada na que ata nos deu tempo a xogar un pouco, antes de marchar, na zona exterior do museo.

Clicade na imaxe

Enredando

Como xa imaxinaredes, as nosas mañans as pasamos enredando. Enredando dentro-enredando fóra, enredando sos-enredando acompañad@s, enredando en calma-enredando en movemento...

Pois dentro destes enredares, van aparecendo novos materiais, que non dubidamos en explorar con ganas e ilusión. 

Facemos series enre tod@s

Emparellamos cantidades

E unha chea de cousas mais. Pero agardamos que estas fotiños vos dean unha idea de todo o que xogando imos aprendendo e experimentando, cada quen ao seu ritmo.

Nadal

E os Reis Magos fixeron parada no Mestres Goldar e deixaron un paquetiño para nós. Primeiro fomos á súa procura debaixo da árbore e, unha vez localizado, á aula con el para poder abrilo e descubrir o que agochaba. Encantounos o que traía, e pouco tardamos en comezar a xogar co seu contido. Moitas grazas Reiis Magos por estes agasallos sorpresa.

Clicade na imaxe

Nadal

Chegou o noso primeiro festival e o fixemos fenomenal, como non podía ser doutro xeito. Porque cando as cousas se fan con cariño e ilusión o resultado sempre é fantástico. Viaxamos ao lonxano Exipto, caracterizámonos e bailamos ao son deses ritmos nun principio para nós descoñecidos.

Grazas familias pola vosa colaboración e a toda esa xente que bota unha man para que poidamos realizar con éxito cada nova proposta.

Clicade na imaxe

Nadal

E o noso amigo Mik trouxo un par de propostas para nós. Primeiro elaborar unhas postais de Nadal cun material que el nos deixou. E logo de novo....cine!!!!!! Tivemos que pasar pola biblioteca a recoller as entradas e as caixiñas e os flocos de millo e tamén levar as postais porque resulta que baixo aquela luz espcial a cousa cambiaba.

Clicade na imaxe

Clicade na imaxe

Nadal

 E entre proposta e proposta e entre árbore e árbore, decidimos sacar unhas fotiños.

Clicade na imaxe

Nadal

Pois aquí estamos facendo esas galletas. Houbo que asegurarse da calidade dos ingredientes, para o que os probamos, cheiramos e tocamos. Quedaron espectaculares, ata houbo que non puido resistirse a probalas antes de empaquetalas. 

O elfo deixounos tamén a receita por se nos apetecía facelas de novo na casa.

Graciñas ao elfo e aos seus amigos elfos pola súa colaboración e acompañamento. De seguro repetiremos isto de cociñar.

Clicade na imaxe

As galletas non eran para comer, aínda. As galletas eran para decorar a nosa árbore e, enteiras ou a medio comer, fiso foi o que fixemos.

Clicade na imaxe

Nadal

Como xa saberedes, para nós o tempo de Nadal chegou cun elfo, que nos tivo percorrendo o cole case a diario na súa procura e que trouxo para nós unha chea de propostas: facer galletas, contos de Nadal, ioga... e tamén algún misterio, como o do seu amigo o boneco de neve que se convertiu en auga na viaxe dende as terras frías ata a nosa escola. A verdade é que o pasamos xenial.

Deixamos aquí alguhas fotiños da súa búsqueda.

Clicade na imaxe